Rahel Radisli bloggt

Ne, wir haben die Loft in Wald ZH (leider) nicht bekommen. Laut jetzigem Mieter waren wir zu langsam bei der Anmeldung.
Anfangs waren wir ziemlich enttäuscht, weil es doch komisch ist, dass bei einer Wohnung die erste Anmeldung gleich die Wohnung erhält. Mit der Zeit waren wir aber nicht mehr so traurig, weil’s wirklich sehr weit weg von unseren Liebsten und auch der Stadt Zürich gewesen wäre.
Was aber bleibt: Wir möchten zusammen ziehen! So isses einfach zu eng.
Michael hätte sehr gerne eine Loft, jedoch sind die eben im Raum Zürich ziemlich teuer. Ich persönlich hätte gerne noch ein, zwei abgetrennte Räume, wo man sich auch zurück ziehen kann. Für ein grosses Wohnzimmer bin ich aber natürlich auch Mal schauen, was sich da noch so finden lässt. Ich halt euch auf dem Laufenden…

grüässli Radisli

News? Nein, leider noch nicht ganz.
Am Freitag hat Michael von der Verwaltung einfach mal bestätigt bekommen, dass die Anmeldung eingetroffen ist, die Betreibungsauszüge aber noch nicht. Das sollte heute passiert sein.
Sie werden sich noch diese entscheiden, also werden wir es noch vor Weihnachten wissen *gespanntsind*

grüässli Radisli

Jaja, ha dä Biitrag isch i dä richtigä Kategoriä: Auszug/Einzug
Villich wird nämli scho bald wiedär züglät und zwar uf Wald im schönä Züri Oberland!

Gründ däfür? Das sind äs paar. Wo ich ja im März i diä 2Zi-Wohnig zDietikä zogä bin, händ dä Michael <3 und ich dänkt, das isch mini Wohnig und är isch villich jedä zweit Tag bi mir, drum isch är bi sich dihei ja au nonig uszogä. Nur isch das ez ganz andärsch Är isch zu 99% vo därä Ziit bi mir und nur sehr sältä no is sim eigätä Zimmer zRuedistettä. Das isch natürli rächt müähsam: Da dChleidär und Sachä, wonär immär brucht und deht dMöbäl und Sachä wonär ab und zuä brucht. Dänn isch ä Wohnig mit ‘nur’ zwei Zimmär rächt äng für zwei Lüt wo immär deht wohnäd.
Vor 1,5Wuchä isch dänn dä Michael per Zuäfall mal uf dä homegate-Site xi und hät mal Lofts gsuächt, will är, wiä au ich, gärn mal würäd i eim Ruum würäd wohnä Und siehe da, da findät är ä 100m2 Loft in Wald ZH für 1600.- inkl NB Günschtig odär?
Jaja und am Zischtig vorärä Wuchä simmär diä dänn go aluägä Woooow diä isch eifach dä Hammär. Im internet isch sie leider bereits nüm, cha eu drum kä Fötäli zeigä. D’Chuchi isch natürli offä, hät schwarzi Chäschtä, zwei chlini Chüälschränk, än Gschiirspüälär #juhuu#, än Glaskeramikhärd, … S’Bad isch au schwarz ghaltä und mär hät ä eigni, sehr ruhigi Wöschmaschine, womär sogar übär dNacht (also im Niedertarif) chan laufä lah, än eignä Tumbler

D’Bewärbig hämmär ez abgschickt und wartet uf dä Bscheid.
Ez hämmär gad nomal än Grund gfundä, wieso mär da womär ez sind, usäwänd. Uf dä 1.4. gits ä witäri Miätzinserhöchig vo 918.- uf 981.- Fr :-/
Druckäd eus doch au dDumä

grüässli Radisli

Jaja, dIweihigsparty isch scho wiedär värbi, abär mär händ ja äs Traumtägli värwütsch *strahl*
Bi gad richtig froh xi, dass ich äs paar Täg vorhär no än Grill poschtät han – wo mi sMami druf bracht hät. Dä hämmär dänn am Abig gad chönä iweihä värussä.
Möcht abär mal allnä dankä sägä, wo churz odär lang mal värbi gluägt händ. Das hät mi würkli gfroit, dass so vill cho sind!! Und dankä für diä villä bruchbarä und wundärschönä Sachä!!

Schad hani nur gfundä, dass nur ein einzigä vo minä 13Nachbarparteiä värbi cho isch, abär da chönd ihr ja alli nüt däfür

So, und alli wo süsch nöd zu mir gfundä händ: mär findäd sichär mal än Tag wonär chönd värbi cho und mini Chochexperimänt chönd kännälärnä Also bis bald

Am nächschtä Sunntig, 22. April 2007, findät mini Iweihigsparty statt
Ab äm 12i am Mittag sind alli wo das läsäd härzlich däzuä igladä, mit mir chli z’fiirä und Ziit zämä z’gnüssä. Und duurä tuät das ganzä open-end. Äs git au no Znacht und da wäri eifach froh ungefähr z’wüssä, wär dänn no umä isch… also bitte Bscheid gäh Dankä!
Falls du dAdrässä immär nonig odär scho nüm häsch, da nomal:

Weingartenstrasse 5
8953 Dietikon

Äs isch bessär, wänn’d mit dä öV chunsch, dänn Bsuächärparkplätz häts zu däm Quartiär nur ein einzigä
Also, ich freu mi uf alli wo chömäd!!

Grüässli Rahel

Hallo mitänand =)

So, äntli mäldi mi wiedär mal zu Wort und heieiei Bildär häts immär no kei.
Ich luäg, dass das morn odär spötischtäns am Samschtig no passiärt.
Chan ja värstah, wänn eu das so interessiärt

Also, was äs neus git? Irichtigsgegäständ!
Ich ha mich geschtär müssä ablänkä vo trurigä Gedankä (mini Grosstantä isch gescht mit 86 värstorbä) und bin nach mä gmüätlichä Nomitag mit mim Schatz a dä Limmat no i dIKEA. Mär händ no äs Auto zur Värfüägig gha und ich han scho lang nomal wellä go luägä, da ich ja no äs paar Sachä bruchä.
Was äs neus gäh hät: Vorhangbahnä für dTürä, än Rollo für sGrossä Pflanzä-Fänschtär und ä Steh- und ä Sitzlampä (Ja, ihr händ richtig ghört SITZlampä) für i dä Stubä, äs Abtropfsieb für Teigwarä und än wundärschönä Schrank

also, bis bald
Grüässil Rahel

Z’Hochfäldä acho, händ dMannä (Michael, René und Papi) dänn scho fascht alläs gladä gha und sind bereit xi, wiedär uf Dietikä z’fahrä. Deht acho, hämmär natürli grad agfangä alläs i dWohnig zschleickä. Dä René und dä Michael händ sBett agfangä zämäbauä,händ dänn abär müssä feststellä, dass öppis mit ärä Zangä zersch no münd usänand näh Äs wär für sBettgstell eich nöd wichtig xi, sondern nur für sChopfteil, abär wänns das äs andärs Mal no gmacht hettäd, hett mrä sGanzä Bett nomal müssä fürä näh. Plötzli sind di beidä värschwundä xi… *värwirrtbin* Ersch wos wiedär zrugg xi sind, h ani mitübercho, dass zRuedistettä xi sind. Abär wiäs dä Zuäfall hät wellä, isch antürli niämärt umä xi, wo än Schlüssäl gha hett #haha# Und ich han dänn xeit: “Hey, ich ha doch Nachbärä. Ich gang mal schnäll go frögä. So chani mi gad vorstellä ” Und das hani unbädingt ohni Papi odär öppär andärs wellä machä, da ich ja di neu Nachbärin bin #hehe#

Will no äs paar chlini, abär wichtigä Sachä, wiä Chübäl, Ässä etc gfählt händ, hämmär eus uf zum Coop gmacht. Äs hät sich einigäs agsammlät,a bär ich bi doch äs biiiräbitzäli übärrascht xi vo dä Rächnig am Schluss Womär dänn alläs wiedär värstaut händ, hämmär eus uf dä Heiwäg uf Hochfäldä gmacht. Uf äm Wäg hämmär abär no Halt i dä Migros (wäg dä Tulpä, wo mär sMami hät wellä schänkä “Ä leeiri Vasä cha mär ja scho nid so umästou lu“), im Coop (wo mär nöd gfundä händ, was mär xuächt händ) und im Jumbo, wo mär schliässli mis benötigtä ‘Taburettli’ dänn doch no gfundä händ

Ah dä Wiigartästrass acho, simmär scho wiedär am schleppä und händ min, auch hüt iziähändä, neuä Nachbär Härr S. Kaufmann kännä. Dä häts dänn scho schön: ä 3Zi-Wohnig für sich älei. Sbald mir dänn alli mini Sachä i dWohnig bracht händ, hät sich dAndrea värabschiedät und sMami und ich händ agfangä dChuchi mal iz’rumä.